من اكثر المنتجات الا انتشرت في
السنتين الماضية هو بسكوت اللوتس و زبده اللوتس و اغلب الناس اذا ما كان الكل ما
ذاق اللوتس مع انتشار انواع كثيرة من الحلويات في متاجر الحلويات الكبيرة و
المعروفة من بسبوسة لوتس و تشيزكيك لوتس و تمرية لوتس و تارت لوتس و القائمة تطول
, شخصيا ما احب اللوتس كثير مشكلتي مع البسكويت كمية السكر المبالغ فيه جدا حالي و
مع الحلا يزيد أكثر و الزبده ايضا نفس الشيء و ثقيلة مرة بس اكيد في ناس تموت علي
شيء اسمه لوتس و بيني بينكم الوتس اشوفه شيء فخم مدري ليه !!
الزبدة..
و اخيرا لقيت حلا لوتس لذيذ السر فيه
التوازن مو حالي بزيادة و سويته مرتين مرة بسكر و مرة بدون سكر و طلع الا
بسكر افضل لان اصلا المكونات اغلبها
مافيها سكر و خاصة الطبقة الثانية فما تخافوا يطلع حالي .
المكونات مع الطريقة :
الأفضل يكون في كاسات .
الطبقة الاولي: بواند كيك شوكولاته مفتت .
الطبقة الثانية : نحط في الخلاط كوب
كريمة خفق سائلة +و نص كوب حليب بوردة +و ظرف كريم كراميل و+ 4 حبات جبن كيري او
مكعبات أي نوع المراعي او غيره و +ملعقة سكر +ملعقة كبيرة زبده لوتس .
نخلطها و نحطها علي طبقة الكيك (الخلطة
بتكون ثقيلة )
الطبقة الثالثة : بسكويت لوتس
مكسر او مطحون
و اخيرا نسخن زبده لوتس في حمام ماء
حتى تذوب و نزين زي ما نحب .
بعدها نبرده و احلا لما يكون باااارد
.
و بالعافية .
اذكروا الله وصلوا ع الحبيب
مدونتك مررره جميلة ماشاء الله عليك انسانه في قمة الابداع واكلاتك مررره حلوه وطريقتها سهله وبسيطه.
ردحذف