الاثنين، 31 يوليو 2017
كيكة الحليب بالقرفة .
كيكة الحليب بالقرفة .
كاس ونص حليب محموص
نخفق :
3 بيضات او 2 و رشة قرفة و فنيليا و
فنجان سكر
علبة قشطة و اصبع زبدة صغير .
كلها مع بعض بعدين حطي الحليب المحموص
و ملعقة صغيرة بيكنج باودر و نخلطها حتي تتجانس
في صينية مدهونة زبده ندخلها الفرن
حتي تستوي الكيكة
طبقة التغطية :
نص كاس سكر
نص كاس حليب بودرة
6 جبن كيري
علبة قشطة
و اخلطيها حتى تنعم و اضيفيها طبقة
ثانية و رشة قرفة على الوجه دخليها الفرن (يعني الفرن حار بس طافي ) بحرارة الفرن
حتي تتماسك الطبقة البيضاء و اتركيها حتي تبرد و قدميها بصحة و عافية
اذكروا الله وصلوا ع الحبيب .
الاثنين، 24 يوليو 2017
عطر\ BEAUTY
عطر بيوتي من كالفن كلاين .
العطر جدا هادي و ريحته ناعمة و جميلة
, طبعا انا ما اعرف أوصف روائح العطور بذات الفرنسية بس بقولك ماهو كاتبين في
الموقع عنه , من مكوناته الياسمين , و فرجينيا الأرز , يعني رائحته علي ورد أكثر .
العطر ينفع للصباح , فواح لكن مو مرة ,
, بالنسبة للثبات ثابت بنسبة 60 % تقريبا .
كان موجود في موقع نمشي . بحدود 100
ريال بس بحثت عنه الان و ما لقيته ): ! !
هل ترجعين تشتريه ؟
بصراحة لا , لأني أحب العطر يكون فواح
جدا جدا , ممكن لو عندي دوام او أي شغل الصباح ارجع اشتريه .
شكرا علي قراءة الموضوع , قلوب
كثيييرة .
اذكروا الله وصلوا ع الحبيب .
السبت، 22 يوليو 2017
مشخول الدجاج بالخضار .
الطريقة مع المقادير .
ننقع رز (المقدار حسب رغبتك ) في ماء مغلي.
في قدر نضيف شوية زيت .. ثم نضيف دجاج
مقطع (ثمان قطع) و مغسول بدون جلد .. نخليه لين يتحمر شوية .. ثم نضيف بصلة مفرومة
و نقلبهم حتى تتحمر..
نضيف ثوم مهروس و مكعبات فلفل اخضر
رومي و ملعقة كبيرة صلصة طماطم و مكعب ماجي و ليمون جاف و قرفة اعواد و نحمسهم زين
ثم نضيف كوبين ماء مغلي ... نغطي علي الدجاج و نخليه علي نار هادية لين يستوي الدجاج.
نقلي مكعبات باذنجان , و مكعبات بطاطس
و نخليها علي جنب .
بعد ما يستوي الدجاج نضيف مكعبات
الباذنجان و البطاطس و الرز و نخلي الماء يدوب يغطي و جه الرز لأنه تقريبا مستوي
ربع سواء , و نغطي عليه علي نار هادية لمدة 20 دقيقة . و يكون مستوي .
ممكن بعد ما ينشف الرز نضيف زبيب
و ممكن نزينه ببصل مقلي .
ملاحظة :
الرز المستخدم ( انديا قيت) بسمتي
عنبر.
جربوها جدا لذيذة و تغيير عن الكبسة .
اذكروا الله وصلوا ع الحبيب.
الاثنين، 10 يوليو 2017
الاشتراك في:
الرسائل (Atom)